GURASO BILERA OROKORRAK
IDAZKERA KUNEIFORMEA ERABILTZEN!
Idazkera kuneiformea aurkitu den idazkera mota zaharrena da. Duela 5.000 urte inguru hasi zen erabiltzen Mesopotamian.
Buztinezko taulatxoetan idazten zuten eta erraz garraiatzeko egokiak zirelako. Garai hartan, jende gutxik zekien idazten, eta, berez, lanbide bat zen: eskriba deitzen zaie aspaldiko garaietan idazteko ogibidea zutenei. Eskribek marka edo zulotxo lerrozuzenak egiten zituzten ziri edo zizel zorrotz batez.
Azken egunontan, Historia ikasgaian 1.DBHko ikasleak Mesopotamiako eskribak bihurtu dira eta taulatxoetan idazkera kuneiformean irudikatu dituzte haien izenak, adina eta nongoak diren…
ERROMANIKOA ETA GOTIKOA DESKUBRITZEN
Arte gotiko eta erromanikoaren gaia aprobetxatuz, DBHko ikasleak Lizarrara joan dira Erdi Aroko estilo artistiko horien ezaugarriak in situ ikusteko.
Bi estiloak bereizi ahal izan ditugu, eta bien adibide argiak ikusi. Era berean, garai horren testuinguru historikoa ulertu dugu, baita Erdi Aroko hiriaren eta Lizarrako burgoen sorrera ere.
Zer dira energia berriztagarriak?
LH 5-6-ko ikasleek energia berriztagarriak zeintzuk diren ezagutu eta aztertzeaz gain, energia eolikoa, hidraulikoa, geotermikoa, eguzki energia eta biomasaren inguruko azalpen bideoak sortu dituzte. Lan handia egin dute, informazioa eskuratu, eskemak egin, bideoaren gidoia prestatu, grabazioak egin eta, azkenik, edizioa eginez. Lan aparta izan da eta oso bideo txukunak geratu zaizkie.
Bideoak ikusi nahi izanez gero, sakatu hemen.
IRRATIAN EGUN BATEZ!
Azken hilabete honetan Irratiaren bisita izan dugu eskolan, LH 5-6-ko ikasleek irratsaio bat aurrera eramateko egiten den lana ezagutzeko aukera izanez. Horrela, irratian erabiltzen diren baliabide teknologiak ezagutu eta haiekin esperimentatu ahal izan dute. Alderdi berri bat ezagutu eta harekin gozatzeko aukera paregabea izan da!
Egindako saioko argazki eta bideoak ikusi nahi izanez gero, sartu zaitezte esteka honetan: saioa.
